Abaltzisketatik Larraitzera oinez joango gara, ibilbidean zehar topatuko ditugun panel informatzaileen bidez inguruko animaliak, landaretza eta mendiak ezagutuz, zuhaitz parkean amaitzeko. Abaltzisketatik Larraitzerako bidea ezinduentzako egokitua dago eta oso egokia da haur txikientzat ere. (Txango hau egun erdikoa da.)

Hiru edo lau ordu inguruko mendi itzuliaren ondoren zuhaitz parkean amaituko dugu eguna. Mendi irteera ( Txindoki igo, Amezketatik Larraitzera …), haurren adina eta kopuruaren arabera zehaztuko da. Mendi itzulia ez da ezindu guztiei zuzendutako txangoa, ezintasun mailaren araberakoa izango da. Txango honek egun osoko iraupena du.

Egun erdiko edo egun osoko txangoa, talde kopuruaren arabera. Goizean Larraitzetik edo Amezketatik litzateke irteera. Ordubeteko ibilbidearen ostean eskalatzeko tokira iritsiko ginateke. Bertan, materialaren aurkezpena eta eskalada munduan lehen pausoak emateko aukera izango genuke. Bi ibilbide desberdin egiteko aukera dago, talde edo ikastetxeen behar edo naien arabera.

Txindokiko Itzalak Aralarreko artzainen bizi eredua ezagutzeko aukera ematen digu. Goizean Larraitzetik irten eta bi orduko ibilbidea egin ostean artzainak nola bizi eta lan egiten duten erakutsiko digute, esnea nola jaisten den, Aralarreko larre eta gaztak nola sortu eta garatzen diren arte.

Txindokiko Itzalak Aralarreko artzainen bizi eredua ezagutzeko aukera eta abenturazko jarduera bat egiteko bizipena proposatzen dizugu,egun batean Aralar ezagutu eta Mariren zuhaitz parkean egunari amaiera emateko plan ezin hobea. Goizean Larraitzetik irten eta bi orduko ibilbidea egin ostean artzainak nola bizi diren ikusi ostean Larraitzera jaitsi eta zuhaitz parkean egunari amaiera emango diogu.

Txindokiko Itzalean lo egin eta jarduera bat egiteko bizipenarekin, aste bukaera berezia pasako dezue. Egitarau hau talde eta guraso elkarteei zuzendua dago.